II Qarabağ müharibəsinə həsr edilən "Dəmir yumruq" adlı bölgələr arası onlayn bilik yarışı keçirilmişdir. Bilik yarışında Bakı şəhəri daxil olmaqla 19 şəhər və rayondan 6,7 və 8-ci sinif şagirdlərindən ibarət müxtəlif komandalar iştirak edirdi. Şamaxı rayonunu bilik yarışında Şamaxı Avropa liseyinin 6-cı sinif şagirdlərinin iştirak etdiyi "Qələbə bizimlədir" komandası təmsil etmişdir. Bilik yarışında liseyimizin komandası qalib olaraq 3-cü yerə layiq görülmüşdür. Qalib komandaların iştirakçılarına "Fəxri fərman" təqdim edilmişdir. Mükafatlandırma mərasimində iştirakçı rayonlardan RTŞ müdiri, müdir müavini və əməkdaşları iştirak etmişdir. Bilik yarışında iştirak edən Şamaxı Avropa liseyinin 6-cı sinif şagirdləri Məmmədzadə Nərmin Nəsir qızı, Niyazzadə Nəcibə Ramil qızı və Şirinova Məryəm Şirin qızı olmuşdur. Şagirdlərimizi təbrik edir, onlara gələcəkdə daha yüksək uğurlar arzulayırıq.