Şamaxı şəhər S.M.Qənizadə adına 1 saylı tam orta məktəbin məzunu olan və II Qarabağ müharibəsində şəhid olan Zərbaliyev Ziyad Nəriman oğlunun məzunu olduğu məktəbin həyətində baralyefinin açılış mərasimi keçirilib. Mərasimdə şəhidin valideynləri, Rayon İcra Hakimiyyəti və Rayon Təhsil Şöbəsinin nümayəndələri, məktəbin rəhbərliyi, müəllimləri və şagirdləri iştirak ediblər.

 Açılış mərasimində şəhidin valideynləri, qonaqlar və müəllimlər çıxış edərək ürək sözlərini bildiriblər. Sonda məktəb şagirdlərinin ifasında Vətən Müharibəsi iştirakçılarının xatirəsinə həsr olunmuş şeir kompozisiyası səsləndirilib.